SSA.IS - Samtök Sveitarfélaga á Austurlandi

Forsíða Um SSA Ýmsar upplýsingar Héraðsnefnd Fundagerðir Tenglasafn

9. febrúar 2010

Velkomin á vef SSA
Velkomin á heimasíðu Sambands Sveitarfélaga á Austurlandi. Hér á síðunni er að finna ýmsar upplýsingar um SSA, sveitarfélögin á Austurlandi, fundagerðir og tenglasafnið okkar.
Ef þú vilt fá sendan tölvupóst þegar ný fundargerð eða frétt er skráð getur þú skráð þig á póstlistann okkar.

43. aðalfundur SSA, haldinn á Seyðisfirði 25. - 26. september 2009, samþykkir að fela stjórn SSA að skipa starfshóp sem hafi það meginverkefni að fjalla um hugsanlega sameiningu sveitarfélaganna á starfssvæði SSA í eitt sveitarfélag.

Hópnum er falið eftirfarandi:

að gera tillögur að stjórnkerfi nýs sameinaðs sveitarfélags
að leita eftir samvinnu við ráðuneyti samgöngu- og sveitarstjórnarmála um mögulega sameiningu
að kanna vilja ríkisvaldsins til sameiginlegrar stefnumörkunar um opinberar framkvæmdir og verkaskiptingu slíks sveitarfélags og ríkisvaldsins
að fjalla um þau áhrif sem tilkoma hins nýja sveitarfélags hefði í för með sér fyrir austfirskt samfélag með sérstakri áherslu á þau tækifæri sem sköpuðust

Hér er um að ræða ótvírætt tímamótaverkefni, sem ekki á sér hliðstæðu á Íslandi. Því er mikilvægt að allir sem að því koma standi að því af metnaði og með vönduðum hætti.

Samþykkt einróma.